پاکستان کی آزادی کے 77 سال مکمل ہونے پر گوگل نے نیا ڈوڈل پیش کیا ہے۔
گوگل دنیا بھر کے مختلف ممالک کی ثقافتی اور سماجی تقریبات کے موقع پر دلچسپ ڈوڈل بناتا ہے۔
گوگل نے پاکستان کے یوم آزادی کی خوشی میں ڈوڈل بنا کر اس میں آموں کو مرکزی جگہ دی گئی ہے۔
اس بار گوگل ڈوڈل میں پاکستان کا پورا نام گرین باکس میں ہے۔ گوگل کے حروف کے لیے سفید رنگ استعمال کیا گیا۔
اسی طرح سب سے اوپر پاکستان کا جھنڈا ڈوڈل کے وسط میں ہے جس کے دائیں اور بائیں طرف آم ہیں۔ جبکہ ان کے ساتھ آموں کے ٹکڑے نظر آ رہے ہیں۔
گوگل کے مطابق پاکستان کے قومی پھل کو اس ڈوڈل کا حصہ بنایا گیا ہے۔
کمپنی کے مطابق آم قدیم زمانے سے خطے کی ثقافت کا حصہ رہے ہیں اور پاکستان میں اگائے جاتے ہیں۔ وہ اپنے بہترین ذائقے کے لیے مشہور ہیں۔
گوگل نے کہا کہ آم کو پرجوش جذبات، سخاوت اور امارات کی علامت سمجھا جاتا ہے جو دوستوں اور اہل خانہ کو بطور تحفہ دیا جاتا ہے۔
یہ میٹھا اور نرم پھل پاکستان بھر میں بہت سے پکوانوں اور مشروبات کے لیے بھی استعمال ہوتا ہے۔
خیال رہے کہ گوگل 2011 سے پاکستان کے یوم آزادی پر ڈوڈل بنا رہا ہے، سب سے پہلے اس نے چاند ستاروں اور مینار پاکستان سے سجے سبز رنگ کے ڈوڈل کے ذریعے مبارکباد دینا شروع کی۔
